Jinsi ya Kupambana na Kikohozi na Mafua kwa Watoto Kupitia Lishe

Msimu wa baridi huambatana na maambukizi ya mara kwa mara kama kikohozi, mafua na homa za kawaida kwa watoto. Ingawa si vyakula pekee vinaweza kuzuia magonjwa haya, lishe bora husaidia mwili kupambana navyo.

Lishe inayosaidia kupambana na mafua na kikohozi:

• Matunda yenye vitamini C: machungwa, mapera, embe – husaidia kuimarisha kinga ya mwili.

• Maziwa na maharagwe: hutoa protini kwa ajili ya ujenzi wa seli za kinga.

• Tangawizi, kitunguu saumu na asali: husaidia kupunguza muwasho wa koo na kuboresha mzunguko wa damu.

• Maji ya kutosha na vinywaji vya moto: husaidia kuondoa makohozi na kuimarisha mfumo wa upumuaji.

Vidokezo vya kuwasaidia watoto wakati wa mafua:

• Wapatie supu za moto zenye virutubisho kama supu ya kuku na mboga.

• Epuka kuwapa vinywaji vyenye sukari nyingi au baridi sana.

• Hakikisha wanapata usingizi wa kutosha na kupumzika.

Lishe bora kabla na wakati wa maradhi ni nyenzo muhimu ya kuzuia maambukizi kuwa makubwa na kusaidia kupona haraka.